"أنا مش شيخة.. حلا شيحة ترد على شائعات انفصالها عن معز مسعود وارتدائها الحجاب 

أوضحت الفنانة حلا شيحة حقيقة انفصالها عن معز مسعود بعد انتشار شائعات حول طلاقهما عبر السوشيال ميديا خلال الفترة الأخيرة.

وكتبت حلا شيحة في منشور على صفحتها الشخصية على موقع إنستجرام قائلة: «لكل المتابعين والمحبين على صفحتي وفي الوطن العربي حابة اقولكم مفيش أي خبر اتكتب عن معز وعني يخص الطلاق صحيح وكلامي في البوست اللي فات كان كلام عام ولم أقصد بيه حد معين ابدًا».

ومعز بعيد عن الكلام ده تمامًا بالعكس هو سبب كبير لحاجات جميلة في حياتي وحياة أولادي ومشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدا ً، والله في مشاكل أكبر بكتير وحاجات أهم بكتير ممكن نتكلم فيها.. وأنا على صفحتي بحب أشارك جمهوري ساعات بمعاني بحسها وبحسهم زيي وبحب اتواصل معاهم وأبقي موجودة معاهم مش أكتر من كدة.. بالنسبة لحجابي أنا قلت بحاول زيي زي بنات كتييير وأكيد مش أحسن حاجة بس أنا كدة دلوقتي والحمد لله، وأنا مش شيخة أنا إنسانة عادية جدا ليا حسناتي وليا سيئاتي والبشر كلهم كدة فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض أحنا بشر مش ملايكة، يلا أنا مسامحة الكل معلش بشر بردو».

يذكر آن أخر أعمال الفنانة حلا شيحة فيلم «مش أنا» بطولة تامر حسني، سوسن بدر، ماجد الكدوانى، الفيلم قصة وسيناريو وحوار تامر حسنى، وإخراج سارة وفيق.

A post shared by Hala Shiha (@halashihanew)